الرئيس السيسي : البلاد لا تتقدم إلا بالاستقرار والأمن «مفيش غير كده»

قال الرئيس عبد الفتاح السيسي إنه تم إنفاق رصيد الاحتياطي النقدي خلال عام ونصف بسبب حالة عدم الاستقرار من 2011 حتى 2013، واصفًا الوضع حينها بأن تلك الحالة “جابت البلد على الأرض”.

وأكد السيسي خلال كلمته في مؤتمر “حكاية وطن” بين الرؤية والإنجاز المنعقد اليوم في العاصمة الإدارية الجديدة، أنه لا توجد دول تتقدم بدون الاستقرار والأمن، قائلا: “مفيش غير كده .. وأي حد حاجة من اتنين يا جاهل يا أحمق اللي يقولكم ممكن يعمل بطريقة تانية غير كدة”.

وأضاف، “البلد لو لم تكن مستقرة غير متخبطة لن يكون هناك مسئول يستطيع العمل بالشكل المطلوب.. الموضوع بالنسبة لي ليكم كمصريين عينيكم على استقرار بلدكم وبس .. مين يمسكها .. مفيش مشكلة طالما البلد مستقرة”.

واستكمل: “أنا واحد منكم وأخوكم .. طول ما البلد مستقرة ممكن تطلع لقدام .. والكلام ده باقوله من أول ما توليت المسئولية وبكرره كتير والناس تستغرب وتقول إنت خايف من حاجة؟ أيوة 105 ملايين مواطن لو حدث خراب مثلما حدث في دول مقدرش أقول اسمها إنتم هتكونوا في مشكلة تانية خالص”.