ماهر أبو الفضل يكتب : «افتكاسات»

احنا نبينا كده .. من ضلعنا نابت .. لا من سماهم وقع .. ولا من مرا شابت .. ولا انخسف له القمر .. ولا النجوم غابت .. ابوه صعيدي و فهم قام طلعه ظابط .. ظبط على قدنا و ع المزاج ظابط

ماهر أبو الفضل يكتب : «افتكاسات»
ماهر أبو الفضل

ماهر أبو الفضل

10:08 ص, الثلاثاء, 19 فبراير 13

جريدة الاخبار نشرت في صدر صفحتها الاولي الخميس الماضي تصريحات للمستشار عمر الشريف مساعد وزير العدل للتشريع قال فيها ان عدم اخطار المتظاهر للشرطة بالمظاهرة لايترتب عليه اي جريمة او عقوبة (يعني قانون فشنك ومحدش هيبلغ

المستشار احمد مكي وزير العدل قال في مؤتمر صحفي بمجلس الوزراء الاربعاء الماضي ان مشروع قانون تنظيم التظاهر يحظر علي المتظاهرين حمل السلاح والاعتداء علي المنشأت ويمنع التلثم والنقاب (طيب لو كانت المظاهرة لتيار الاسلام السياسي وخرجن فيها السيدات المنقبات هتعمل ايه يا وزير قطر)

قانون تنظيم المظاهرات هيروح نفس المكان اللي راح فيه  قرار رئيس الجمهورية بحظر التجول في مدن القناة وهيقوله “بعيد عنك حياتي عذاب”

عصام العريان قال نصا” لن يتم تغيير الحكومة قبل الانتخابات وللرئيس القرار(قرارايه بقي ما انت جبت ضلفها)
 

مسئول بالاخوان للشروق” نعترض علي الجنزوري مرشحا لرئاسة الحكومة وللرئيس القرار”(انتوا تاني)
 
قتل شقيق المتحدث باسم الاخوان المسلمين في مصر علي يد نظام بشار في سوريا (مش فلسطين اولي ولا ايه )
 
  اغتيال محمد الجندي والحسيني ابو ضيف واخلاء سبيل زكريا عزمي وصفوت الشريف وفتحي سرور من السجن(نكتة)
 

هشام قنديل “سيدات بني سويف بيروحوا الغيط ويتم اغتصابهم انا معرفش بس متاكد”(مترسيلك علي بر يا عم الحج )
 
الدكتور مرسي كل ما يصلي في جامع الشربتلي في التجمع الخامس المصلين يطردوه ويجري حافي(صلي في جامع قريب من باتا .. نصيحة)
 

الحسابات الاكتوارية في التامين بتقول ان كل جنيه في راس المال يقابله اثنين الي ثلاثة جنيهات اقساط .. الغريب ان مسئول كبير في هيئة الرقابة المالية استاذ جامعة سابق قال ان راسمال شركات التامين في مصر 5 مليار يبقي المفروض الاقساط تكون 25 مليار(يخرب بيت منقوع البراطيش)

مسئول في شركة تامين كتب مقال في جريدة اقتصادية الاثنين الماضي بعد ما قرأته لقيته نفس الخبر اللي كنا نشرينه في المال من شهر(ابداااااااااااااااااع)
 

احنا نبينا كده .. من ضلعنا نابت .. لا من سماهم وقع .. ولا من مرا شابت .. ولا انخسف له القمر .. ولا النجوم غابت .. ابوه صعيدي و فهم قام طلعه ظابط .. ظبط على قدنا و ع المزاج ظابط .. فاجومي من جنسنا .. ما لوش مرا عابت .. فلاح قليل الحيا .. اذا الكلاب سابت .. ولا يطاطيش للعدا .. مهما السهام صابت .. عمل حاجات معجزه و حاجات كتير خابت .. و عاش و مات وسطنا .. على طبعنا ثابت .. و ان كان جرح قلبنا كل الجراح طابت .. ولا يطولوه العدا .. مهما الأمور جابت “أحمد فؤاد نجم” … الله يرحمك يا عبد الناصر.

ماهر أبو الفضل

[email protected]

ماهر أبو الفضل

ماهر أبو الفضل

10:08 ص, الثلاثاء, 19 فبراير 13