«أقطع الكهرباء ولا أغليها؟».. الرئيس السيسي يوضح أسباب استمرار خطة تخفيف الأحمال (فيديو)

خلال افتتاح عدد من المشروعات التنموية بجنوب الوادي

«أقطع الكهرباء ولا أغليها؟».. الرئيس السيسي يوضح أسباب استمرار خطة تخفيف الأحمال (فيديو)
محمد مجدي

محمد مجدي

5:25 م, السبت, 25 مايو 24

قال الرئيس عبد الفتاح السيسي، رئيس الجمهورية، أنا لو أخدت ثمن الكهرباء الحقيقية هضاعف ثمنها مرتين.. طب الغلبان هيروح منى فين؟.. أقطع الكهرباء ولا أغليها ؟.. أغليها قد إيه؟ .. اللي بيدفع جنيه هيدفع لـ2 و3 جنيه.

وأضاف السيسي، خلال افتتاح عدد من المشروعات التنموية بجنوب الوادي: “لو أنا النهاردة مواطن بدفع 100 جنيه في الشهر.. وعايز أبيعله الكهرباء بسعرها اللي بتكلفهوني دلوقتي هاخد منه 300 جنيه.. طب إحنا بنعمل كده؟ لأ.. أنا بتحمل المسئولية أمام الله وقدامكم عشان الكهرباء دي تستخدم على مدار 24 ساعة ومتقطعتش خالص لازم أخلي تمن الكهرباء لوزير الكهرباء قد تمنها ده مرتين ثلاثة”.

وتابع السيسي: “ليه مش بزود كده، عشان مديونية وزارة الكهرباء لوزارة البترول مرتفعة، ووزارة البترول تشكو من إمداد الكهرباء بالوقود بسعر أقل، وذلك نتيجة ممارسات نسير بها منذ سنين، وكان هناك خطة في 2016 لعمل الحاجة قد ثمن تكلفتها، ولكن يجب وضع في الاعتبار أزمة كورونا والأزمات العالمية والحروب الدائرة”.

 وقال السيسي: “ممكن الكهرباء تشتغل 24 ساعة؟ طبعًا المحطات موجودة ونستطيع.. لكن النهاردة عشان الدكتور محمد شاكر وزير الكهرباء ياخد الوقود اللازم ليها، لازم يدفع فاتورته، وده بعد دعم وزارة المالية ليه.. طب هيجيب منين”.

وأضاف السيسي: “انه مضطر مع حجم الوقود القادم له ومع حجم الدعم المقدم له، يقوم بتشغيلها.. طب ممكن نشغلها 24 ساعة أيوه .. و48 ساعة كمان، بس بكام”.