علق الفنان أحمد داوود على حصوله على جائزة أفضل ممثل دور أول من مهرجان المركز الكاثوليكي في دورته الـ٧٣ .
وقال داوود : “انك تعمل فيلم ينجح نجاح جماهيري كبير في السينما ويعمل ايرادات كبيرة في مصر وفي كل الدول العربية ده احساس بيفرح اكتر من اي حاجة في الدنيا بالنسبالي”.
وأضاف: “كمان لما يبقي نفس العمل ينجح علي المستوي الفني و النقدي وتقدر تجمع بين جائزتين من اهم جوائز التمثيل ومن أقدم واعرق المهرجانات السينمائية المصرية تبقي دي لحظة استثنائية”.
وتابع :”الواحد بيشتغل عشان يقدر يوصلها ودي أكتر فرحة وأكتر نجاح ممكن تحسه وتستمتع بيه في شغلك يارب نشتغل و نتعب أكتر وأكتر وأقدر أعيش زيها كتيير مع أفلام أكتر لسه جايه إن شاء الله يارب أفضل ممثل دور أول من مهرجان جمعية الفيلم في دورته ال ٥١أفضل ممثل دور أول من مهرجان المركز الكاثوليكي في دورته الـ ٧٣ “.
وقال الفنان أحمد داوود:”شكرا لكل فريق عمل فيلم ” الهوي سلطان ” أمام وخلف الكاميرا ممتن لكم جميعا وشكر خاص جدا ل هبه يسري شكرا يا سلطان علي كل المجهود والأخلاص وشكرا علي روحك الحلوه اللي عملت الفيلم ده وشكرا انك انت السبب في اني اعيش اللحظة دي” .