رياضة

«ميدو» ينتقد وضع الأطباء المادى ويطالب بتعديل مرتباتهم مقارنة بلاعبى كرة القدم

خلال صفحته الرسمية عبر تويتر

شارك الخبر مع أصدقائك

انتقد أحمد حسام «ميدو» ، المدير الفني لمصر المقاصة السابق، وضع الأطباء المادي، في ظل أزمة فيروس كورونا، ومدى جهدهم من أجل محاربة الوباء العالمي، مقابل الأجر السنوي للأطباء في مصر، مقارنة بما يحصل عليه لاعبو ومدربو كرة القدم في مصر من أجور مالية مبالغ فيها – على حد وصفه .

وقال «ميدو» ، خلال صفحته الرسمية عبر تويتر: «أكثر حاجه لازم الدولة تتعلمها إن لازم يحصل تعديل في الموازنة العامة لازم الصحة والتعليم يتخصص لهم نسبة أكبر بكتير لازم يتم تخفيض عدد الموظفين الحكوميين لازم الفلوس اللى بتتصرف على الكورة والإعلام والفن يتم تخفيضها بشكل كبير!! لازم بتعمل سقف مرتبات للاعبين والمدربين والإعلاميين!».

وأضاف: «ماينفعش العاملين بالقطاع الصحى والقطاع التعليمى يبقوا بيعانوا واللاعبين والمدربين والإعلاميين والفنانين بيتقاضوا مئات أضعافهم، وهنا الموضوع مش موضوع أرزاق، الموضوع موضوع عدل!! لازم يبقى في نسبة وتناسب..لازم نستغل الظروف اللي بنمر بيها وحاجات كتيره تتعدل!!».

وتابع«ميدو»: «مثلاً ماينفعش لاعيب أو مدرب في الدوري المصري المتواضع جدا فنيا يكون دخله مئات أضعاف العاملين في القطاع الصحي والقلاع التعليمي بالذات.. آه لاعيب الكورة والمدرب لازم يأخذ يتم تقديره بشكل جيد لانها موهبة ومهنة صعبه جدا لكن الفروق لازم ماتكونش بعيده اوي كده!!».

واستكمل ميدو حديثه: «مثلاً زوج أختى دكتور مخ وأعصاب في مستشفى كبيرة جدًا وعندما علمت عن دخله السنوي صعقت!! إزاى واحد درس سبع سنين طب موت نفسه فيهم وبيشتغل أقل حاجه ١٦ ساعة في اليوم يكون ده دخله!! على فكره ده الوضع في العالم كله مش في مصر بس..في رأيي إن كل ده لازم يتغير!!».

واختتم لاعب الزمالك السابق حديثه، قائلًا: «لازم الوزير أشرف صبحى والأستاذ عمرو الجنايني يشتغلوا آه مفيش عقد لأي لاعب أو مدرب يتم اعتماده إلا بسقف معين يزيد كل 3 سنوات السقف ده 15%.. الأندية المصرية كلها بلا استثناء بتخسر ملايين.. وإيه العائد؟ مفيش أي عائد!! دوري تعبان من غير جمهور بيفرز 2 أو 3 لاعيبه مميزين كل موسم!!»

شارك الخبر مع أصدقائك

الخبر السابق «
الخبر التالي »