اقتصاد وأسواق

«المالية» تقدم شرحًا مبسطًا للتضخم (جراف)

كل ما النمو بتاعنا بيزيد والانتاج يزيد والسلع تتوفر فى الاسواق فنسبة التضخم هتقل وده اللى حققناه لما عملنا نسبة نمو 5.6٪ ووصلنا للمركز الثالث عالميا بالنسبة دي

شارك الخبر مع أصدقائك

قدّمت وزارة المالية شرحًا مبسطًا لمعنى التضخم عبر صفحتها على فيسبوك، مع اعتزام تقديم شروحات أخرى لعدد من المصطلحات الاقتصادية الهامة التى تهدف إلى رفع وعي المواطن بها.

وتساءلت الوزارة، فى شرحها للتضخم: “يعني إيه تضخم؟”، وأجابت: التضخم معناه معدل الزيادة فى أسعار السلع الأساسية اللى بيستهلكها المواطن فى حياته اليومية.

وأضافت: يعني مثلًا المائة جنيه اللى كانت بتشـترى من سنة 100 قلم، بتشـترى دلوقتى 91 قلم بس، وده معناه 10% نسبة تضخم سنويًّا (فسعر القلم زاد بنسبة الـ10% دي).

وتابعت الوزارة: كل ما النمو بتاعنا بيزيد والإنتاج يزيد والسلع تتوفر فى الأسواق فنسبة التضخم هتقل، وده اللى حققناه لما عملنا نسبة نمو 5.6%، ووصلنا للمركز الثالث عالميًّا بالنسبة دي.

وده اللى ساعد إن نسبة التضخم عندنا تقلّ للسنة الثالثة على التوالى لتصل إلى 9.4% بعد ما كانت 14.4% السنة اللي فاتت، ولسه الطريق طويل.. بس الرغبة الحقيقية في التحسين مستمرة.

ودعّمت الوزارة شرحها المبسط بإنفوجراف تستعرضه “المال” فيما يلي:

إنفوجراف معد من وزارة المالية لتوضيح معنى التضخم

شارك الخبر مع أصدقائك

الخبر السابق «
الخبر التالي »