غير مصنف

السيسي : لم يخرج مواطن مصري واحد يقولي خفف علينا قسوة ما نحن فيه (فيديو)

وقال الرئيس : المرأة المصرية جابهت قسوة الظروف الاقتصادية وسكتت ابنائها وسكتت زوجها عن انه يعبر عن الاستياء.. عن الألم .. عن الرفض

شارك الخبر مع أصدقائك

اكد الرئيس عبد الفتاح السيسي ، ان المراة المصرية لعبت دورا كبيرا في مساعدة الدولة على تنفيذ برنامج اصلاح اقتصادي هو الأصعب في تاريخ مصر .
وقال السيسي صباح اليوم ، خلال مشاركته في جلسة «تعزيز دور المرأة الإفريقية في تحقيق السلم والأمن والتنمية» ، ضمن فعاليات مؤتمر أسوان للسلام : لم يخرج مواطن مصري واحد يطلب مني يقولي خفف علينا قسوة ما نحن فيه .. لأن هي خلاص بقت موجودة .. بطل حاجز بين الحالة الصعبة وبين التعبير .. هي اللي خدت الدور في مصر.

السيسي : دور المرأة في بلادنا أكثر قسوة

واكد الرئيس السيسي أن المرأة المصرية لم تشتكي من معاناة فقدان الزوج والابن فداءا للوطن ، وانما كان لديها استعداد لمزيد من التضحية، مشيرا إلى الفارق بين دور المرأة في أوروبا والدول المتقدمة ، ودورها في بلدان العالم النامي.

أضاف الرئيس: احنا ظروفنأ صعب بكتير من دول اوروبا.. دور المرأة في بلادنا اكثر قسوة من دور المراة في البلاد المتقدمة .. في خلال الخمس سنوات الماضية في جميع مناسبات تكريم أسر الشهداء لم تتقدم سيدة واحدة بكلمة تشتكي فيها او تتألم مما قدمته .. اذا كانت قدمت ابنها بتقول انا مستعدة اقدم ابني التاني .. لو كانت قدمت زوجها يعني مفيش اكتر من كدة .. مفيش كلام .. ده امر هام انا انتبهت ليه في مصر وقولت لابد ان ننتبه كمصررين لاعطاء سيدات مصر العظيمة المكانة التي يستحقونها واللي اخدوها بجدارة.

واستعرض الرئيس دور المراة المصرية في نجاح تنفيذ برنامج الإصلاح الاقتصادي ، وما تضمنه من قرارات صعبة.

وتابع السيسي : اكمل بقى علشان نعرف هل المرأة ممكن تشارك بدور في النزاعات أو دور في التفاوض .. هقولكم المراة عملت ايه كمان في مصر.. لما جينا نعمل اصلاح اقتصادي .. وده كان اصعب واقصى برنامج اصلاح اقتصادي على الاطلاق .. خلاص انا انتبهت بقى انا خدت بالي .. روحت انا ناديت عليها وقولتلها ساعديني .. ساعدتني وتم تمرير أصعب برنامج اصلاح اقتصادي على الاطلاق في مصر ولم يخرج مواطن مصري واحد يطلب مني يقولي خفف علينا قسوة ما نحن فيه .. لان هي خلاص بقت موجودة بطل حاجز بين الحالة الصعبة وبين التعبير .. هي اللي خدت الدور في مصر.

السيدة المصرية جابهت قسوة الظروف الاقتصادية

أضاف الرئيس السيسي : لسيدة المصرية هي اللي نظمت حياتها .. وجابهت قسوة الظروف الاقتصادية دية وسكتت ابنائها وسكتت زوجها عن انه يعبر عن الاستياء عن الالم عن الرفض .. هي دي تجربتي .. هي دي قناعاتي عن سيدات مصر.انا بقولهم .. مش احنا اللي نديكم مكانكم .. انتم تتقدموا الصفوف وتاخدوا المكان والمكانة التي تستحقونها مش احنا اللي بنديكم .. انتم تستحقم ذلك .

المرأة أكثر مسئولية وكفاءة

وأكد الرئيس السيسي ، انه حينما يتم اختيار أي امرأة في منصب رسمي ، تكون دائما أكثر انتظاما وكفاءة .

وقال الرئيس : لو احنا عندنا انصاف في نفوسنا في عقولنا في احاسيسنا في تقديرنا تجاه الدور اللي المرأة بتقدمه .. اللي كتير ما يخدش باله منه انه لولا المرأة في العالم ما وجدت الانسانية .. كل الانسانية .. دي الحقيقة اللي عايزين نقولها كلنا لبعضنا .. وبالمناسبة في كل مرة يتم تعيين مسئولة في الحكومة في المحافظة في اي مهمة .. وارجو ان ده مايزعلش دولة رئيس الوزراء .. تكون المرأة هي الأكثر مسئولية هي الاكثر كفاءة هي الاكثر انتظاما .. هي الاقل فسادا ان ماكنتش فاسدة على الاطلاق .. مفيش فساد خالص.

شارك الخبر مع أصدقائك

الخبر السابق «
الخبر التالي »