سيـــاســة

السيسي عن أهالي شمال سيناء: ما هجرناش حد ودفعنا مليارات

كرم السيسي خلال الندوة عددًا من أبطال حرب اكتوبر، وقال إن الجيش المصري يخوض حاليا حرباً ضد الإرهاب منذ 6 سنوات

شارك الخبر مع أصدقائك

علق الرئيس عبدالفتاح السيسي على العملية العسكرية في سيناء قائلاً: “إحنا ما هجرناش حد، كان عندنا بيوت ومزارع وآلاف الأنفاق على حدودنا مع قطاع غزة، وعلشان نتخلص من الموضوع ده كان لا بد من إخلاء كيلو في كيلو من البيوت والمزارع دي”.

وأضاف السيسي خلال الندوة التثقيفية الـ 21 للقوات المسلحة، بعنوان “أكتوبر إرادة وتحدي”: “طيب بلا مقابل ؟ بمقابل .. المتر بكام والمزرعة بكام والبيت بكام يبقى أنا ما هجرتش.. الكلام ده ما حصلش في 67.. ماتقلش للناس اللي مشيت من بيوتها خدوا فلوس.. الدلتا والمحافظات استوعبت ده لكن إحنا ماعملناش كدة، دي مليارات اتدفعت يا مصريين”.

وتابع الرئيس: “إحنا إدينا فلوس للناس وأزلنا المباني والمزارع لأنه أمن قومي لـ 100 مليون مش هنسمح إن يبقى فيه حاجة في ضهر البلد دي تستنزف شبابها، عملنا رفح الجديدة جاهزة وبقول للناس تعالوا هنا”.

اقرأ أيضا  الأزهر يدين تفجير كابول: الجماعات الإرهابية تسفك الدماء لأغراض دنيئة

واستطرد السيسي: “إحنا كنا بنتمنى إننا نعمل كدة؟ لا طبعًا.. لما مطار العريش يبقى مش مؤمن وطيارة وزير الدفاع تتضرر طب ده ينفع؟ لا لازم مطار العريش يبقى مؤمن وتنزل فيها الطيارة.. أثناء لما كنت في نيويورك لمدة أسبوعين ما تعملش عمل إرهابي لمدة أسبوعين.. اول ما المسألة فشلت في مصر كانت العملية في نفس اليوم.. يوم الجمعة خلي بالكم.. هما واحد خلوا بالكم من النقطة دي.. سكتوا علشان يهدوا الناس وما يخلهمش يتفاعلوا مع عمل إرهابي علشان يتحركوا الناس .. طيب فشلت عملية التحريك يالا العملية الارهابية تبدأ بقى”.

اقرأ أيضا  عميد كلية أصول الدين: ماكرون ارتكب حماقات ضد 1.5 مليار مسلم وإن قامت غضبتهم لن يستطيع بشر إيقافها

وقال: “المصلحة واحدة .. حجم الإنفاق اللي اتعمل في سيناء خلال السنين اللي فاتت دي لم يحدث وبقوله مش من على أهلنا في سينا لأن ده حق أهل سينا علينا كل وقفة وطنية من أهلنا في سينا ليها في رقبتنا جميل لازم نرده، بس أنتم ساعدونا كمان، أنتم عارفينهم وعايشين وسطيهم ومش بطلب منكم مجابهة الإرهابيين لان ده مش دورك”.

واختتم السيسي: “يتبقى الجزء الخاص بسقوط شهداء من المدنيين.. اتفقنا على أن كل شهداء المدنيين في سيناء في رقبتنا بمجرد ما بيستشهد مدني نتيجة العمليات اللي بتتم بيتم صرف تعويضات وافتكر صرف معاش كمان.. طيب هل القيمة نفس قيمة الجندي الشهيد؟ ده موضوع خلوني أراجعه ونعمله وننفذه بشكل يليق بينا كمصريين ويليق بالمدني اللي سقط نتيجة العمليات دي”.

اقرأ أيضا  تأجيل نظر قضية خيانة الأمانة لفتاة التيك توك منار سامي إلى 14 ديسمبر

ومن جانب آخر كرم السيسي خلال الندوة عددًا من أبطال حرب اكتوبر، وقال إن الجيش المصري يخوض حاليا حرباً ضد الإرهاب منذ 6 سنوات ، وهي حرب شبيهة بحرب الاستنزاف بعد هزيمة 67.

وشهد الرئيس عبد الفتاح السيسي، الندوة التثقيفية الـ 31 للقوات المسحة أكتوبر “إرادة وتحدي” بمركز المنارة بالتجمع الخامس، ومعه عدد من رجال الدولة، والإعلاميين، والفنانين، ورجال الدين، وأعضاء مجلس النواب، وقيادات القوات المسلحة، فضلا عن حضور المستشار عدلي منصور، واالمشير محمد حسين طنطاوي، والدكتور أحمد الطيب شيخ الأزهر.

شارك الخبر مع أصدقائك

الخبر السابق «
الخبر التالي »