سيـــاســة

السيسي: خططنا لتوفير مياه تكفي السواحل والدلتا حتى لو انقطع النيل

كرم السيسي خلال الندوة عددًا من أبطال حرب اكتوبر

شارك الخبر مع أصدقائك

قال الرئيس عبدالفتاح السيسي: “إحنا خلصنا تقريبا خططنا في المياه.. لما نقول 200 مليار.. هي المليارات دي ملهاش عدد؟ يعني لما وزير الكهرباء يقولي 600 مليار علشان الكهرباء.. وعلشان تحلية المياه 200 مليار هيوصلوا لـ300 مليار السنة الجاية.. عندنا خطة تكفي مياه للسواحل والدلتا حتى لو اتقطعت مياه النيل”.

وأضاف السيسي خلال الندوة التثقيفية الـ21 للقوات المسلحة، بعنوان “أكتوبر إرادة وتحدي” : “بنعمل ده علشان الواقع والمستقبل، لما ناخد قرار زي زيادة الحد الأدنى للأجور في رمضان اللي فات ويتنفذ في يوليو ولما نراجع الموقف نلاقي فيه بعض المؤسسات لم تلتزم علشان تنفذ قرار أنت بتاخده، العمل التنفيذي بياخد وقت أحيانًا، وكل ما الدولة المصرية تتحول لميكنة كاملة هنستطيع التغلب على مشاكل زي دي”.

اقرأ أيضا  الجريدة الرسمية تنشر قرار السيسي بتجديد تعيين شوقي علام مفتيًا للجمهورية حتى أغسطس

وتابع السيسي: “إحنا رايحين للعاصمة الإدارية بنعمل عقل للدولة المصرية.. كل البيانات مش على الشعب بس.. على كل ما لدينا في أرض مصر لازم يبقى موجود عندنا في قاعدة البيانات دي.. إحنا عايزين في 30 يونيو 2020 نبقى استكملنا العقل ده كمان نبقى مدخلين معاه جزء من الذكاء الاصطناعي ونعمل أعمال تقلل من تدخل العام البشري”.

اقرأ أيضا  رئيس الأركان يشهد تنفيذ المرحلة الرئيسية للمشروع الاستراتيجى التعبوى لإدارة المدفعية «أحمس 3» 

واختتم: “لما تجدو موضوع مش بتشوفوا نتايجه دلوقتي ده طبيعي.. مش علشان أنا موجود هنا.. النهاردة حركة الإنسان غير حركة المجموعة غير حركة المحافظة غير حركة الدولة كلها.. عارفين إننا متاخرين كتير”.

ومن جانب آخر كرم السيسي خلال الندوة عددًا من أبطال حرب اكتوبر، وقال إن الجيش المصري يخوض حاليا حرباً ضد الإرهاب منذ 6 سنوات ، وهي حرب شبيهة بحرب الاستنزاف بعد هزيمة 67.

وشهد الرئيس عبد الفتاح السيسي، الندوة التثقيفية الـ 31 للقوات المسحة أكتوبر “إرادة وتحدي” بمركز المنارة بالتجمع الخامس، ومعه عدد من رجال الدولة، والإعلاميين، والفنانين، ورجال الدين، وأعضاء مجلس النواب، وقيادات القوات المسلحة، فضلا عن حضور المستشار عدلي منصور، واالمشير محمد حسين طنطاوي، والدكتور أحمد الطيب شيخ الأزهر.

شارك الخبر مع أصدقائك

الخبر السابق «
الخبر التالي »