سيـــاســة

السيسى يعلق على تأخر تنفيذ الحد الأدنى للأجور : العمل التنفيذى بياخد وقت

وتابع الرئيس السيسى : وكل ما الدولة المصرية تتحول لميكنة كاملة هنستطيع التغلب على مشاكل زى دى .. احنا رايحين للعاصمة الادارية بنعمل عقل للدولة المصرية

شارك الخبر مع أصدقائك

قال الرئيس السيسى خلال الندوة التثقيفية الـ 31 بمركز المنارة بالتجمع الخامس ، التى نظمتها القوات المسلحة فى قاعة المنارة بعنوان: ” أكتوبر إرادة وتحدى ” : لما ناخد قرار زى زيادة الحد الأدنى للأجور فى رمضان اللى فات ويتنفذ فى يوليو ولما نراجع الموقف نلاقى فيه بعض المؤسسات مالتزمتش .. فى مؤسسات الدولة علشان تنفذ قرار انت بتاخده .. العمل التنفيذى بياخد وقت أحيانا .

وتابع الرئيس السيسى : وكل ما الدولة المصرية تتحول لميكنة كاملة هنستطيع التغلب على مشاكل زى دى .. احنا رايحين للعاصمة الادارية بنعمل عقل للدولة المصرية .. كل البيانات مش على الشعب بس .. على كل ما لدينا فى أرض مصر لازم يبقى موجود عندنا فى قاعدة البيانات دى .. احنا عايزين فى 30 يونيو 2020 نبقى استكملنا العقل ده كمان نبقى مدخلين معاه جزء من الذكاء الاصطناعى ونعمل اعمال تقلل من تدخل العام البشرى لما تجدوا موضوع مش بتشوفوا نتايجه دلوقتى ده طبيعى .. مش علشان أنا موجود هنا .. النهاردة حركة الإنسان غير حركة المجموعة غير حركة المحافظة غير حركة الدولة كلها .. عارفين إننا متأخرين كتير.

اقرأ أيضا  وزير الاتصالات يتفقد مدينة المعرفة بالعاصمة الإدارية الجديدة

كان رئيس مجلس الوزراء قد أصدر قرارا فى يوليو الماضى برقم 1627 لسنة 2019، برفع الحد الأدنى لمجمل أجر الدرجات الوظيفية بالدولة من أول يوليو 2019 إلى 2000 جنيه شهريا (بدلا من 1200 جنيه) انتهاءً بمبلغ 7000 جنيه للدرجات العليا.

واشتكى عدد من النواب لرئيس مجلس الوزراء، مصطفى مدبولى من تأخر بعض الجهات الحكومية فى تطبيق قرار رفع الحد الأدنى من 1200 إلى 2000 جنيه.

اقرأ أيضا  وزير الإسكان : الانتهاء من صب الأعمال الخرسانية بـ 4 أبراج في منطقة الأعمال

وكرم الرئيس عددًا من أبطال حرب أكتوبر المجيدة ، وقال إن الجيش المصرى يخوض حاليا حرباً ضد الإرهاب منذ 6 سنوات ، وهى حرب شبيهة بحرب الاستنزاف بعد هزيمة 67.

وشهد الندوة عدد من رجال الدولة، والإعلاميين، والفنانين، ورجال الدين، وأعضاء مجلس النواب، وقيادات القوات المسلحة، فضلا عن حضور المستشار عدلى منصور، والمشير محمد حسين طنطاوى ، والدكتور أحمد الطيب شيخ الأزهر.

اقرأ أيضا  فريقا التحقيق المصري والإيطالي في واقعة وفاة الطالب جوليو ريجيني يعقدا لقاءً لتطوير التعاون

شارك الخبر مع أصدقائك

الخبر السابق «
الخبر التالي »