سيـــاســة

السيسى : لقاء مع رئيس إثيوبيا فى موسكو لاستكمال مفاوضات سد النهضة

وتابع الرئيس : ده مش معمول علشان سد النهضة لا علشان نقدر نوفر المياه لاحتياجاتنا واتفقت مع رئيس وزراء إثيوبيا للقاء فى موسكو كى نتحدث فى الموضوع ونتقدم للأمام

شارك الخبر مع أصدقائك

قال الرئيس السيسى فى سياق حديثه عن الجيش المصرى خلال الندوة التثقيفية الـ 31 بمركز المنارة بالتجمع الخامس التى نظمتها القوات المسلحة فى قاعة المنارة بعنوان: “أكتوبر إرادة وتحدى” والتى شهدها الرئيس وحضرها أبطال فيلم الممر ردا على ما أثير حول تهنئته لرئيس وزراء إثيوبيا لحصوله على جائزة نوبل : هل النهاردة أنا كرئيس للاتحاد الإفريقى ورئيس لمصر والعلاقة بينا وبين إثيوبيا .. ولما رئيس وزرائها يكرم بجائزة نوبل .. المفروض احنا نقوم بتهنئته .. مش كده ولا ايه ؟ احنا دخلنا فى مرحلة الفقر المائى 500 متر للفرد فى السنة احنا عملنا خطة متكاملة جدا من 2014 تشمل إعادة تدوير المياه من خلال محطات معالجة متطورة تخلينا نقدر نستخدم المياه اكتر من مرة .

احنا بنتكلم على الاقل مش أقل من مليون ونصف متر فى اليوم محطات أنشأناها للتحلية فى شمال سينا ومطروح احنا بنتكلم على ما يقرب من 200 مليار جنيه .. هيزيد 70 أو 80 مليار السنة الجاية وهيوصل 900 مليار سنة 2037.

وتابع الرئيس : ده مش معمول علشان سد النهضة لا علشان نقدر نوفر المياه لاحتياجاتنا واتفقت مع رئيس وزراء إثيوبيا للقاء فى موسكو كى نتحدث فى الموضوع ونتقدم للأمام . وإن شاء الله الأمور تمشى ونقدر نحل المسألة دى بشكل او بآخر كل اللى مطلوب منكم يا مصريين هو الصمود والوحدة .

النقطة الثانية فى كثير منكم كان بيسأل ليه الجيش فى مصر بيجيب معدات متقدمة ليه .. اولا احنا مش دولة معتدية أبدا هى دولة عايزة تحافظ على حدودها وأمنها .. كان لابد يكون فيه خطة لمواكبة نظم التسليح وأقدر أقولكم إن ده تحقق لكن مش عايزين نعلن عنه .. احنا جيش قادر .. ده ترتيبه يعنى ترتيب متقدم جدا احنا نقدر نجابه ده متقدم جدا احنا بحاجتين نقدر نجابه ده .. اول حاجة اننا لا نتدخل في شؤون الدول بالاضرار .

وكرم الرئيس السيسى عددًا من أبطال حرب أكتوبر المجيدة، وقال إن الجيش المصرى يخوض حاليا حرباً ضد الإرهاب منذ 6 سنوات ، وهى حرب شبيهة بحرب الاستنزاف بعد هزيمة 67.

وشهد الرئيس عبد الفتاح السيسي، الندوة “، ومعه عدد من رجال الدولة، والإعلاميين، والفنانين، ورجال الدين، وأعضاء مجلس النواب، وقيادات القوات المسلحة، فضلا عن حضور المستشار عدلى منصور، واالمشير محمد حسين طنطاوي، والدكتور أحمد الطيب شيخ الأزهر.

شارك الخبر مع أصدقائك

الخبر السابق «
الخبر التالي »