سيـــاســة

السيسى عن فيلم الممر: محتاجين تكرار التجربة كل 6 أشهر على الأقل

كرم الرئيس السيسي عددًا من أبطال حرب أكتوبر، وقال إن الجيش المصري يخوض حاليا حرباً ضد الإرهاب منذ 6 سنوات ، وهي حرب شبيهة بحرب الاستنزاف بعد هزيمة 67

شارك الخبر مع أصدقائك

وجه الرئيس عبد الفتاح السيسى كلمىه لأبطال فيلم الممر ، الذى يروى بطولات حرب أكتوبر المجيدة وعرض خلال الأيام الماضية وأثار إعجاب الجمهور والنقاد .

جاء ذلك خلال الندوة التثقيفية للقوات المسلحة فى قاعة المنارة بعنوان: “أكتوبر إرادة وتحدى” والتى شهدها الرئيس السيسى وحضرها أبطال فيلم الممر.

وقال الرئيس إن الفيلم كان رسالة جميلة جدا للمصريين كلهم وكل من شارك كان أداؤه يعكس الروح المصرية “بتيتكلم حتى لو كان بيتكلم باسم غير المصريين” .. فى إشارة إلى الفنان إياد نصار ، الحقيقة الأداء ده سواء كانت القصة الحقيقية ، أو أداؤكم اللى عكستم بيه كل شرائح المجتمع وروحها تجاه بلدها وفكرتونا بيها .

وتابع : أتوقع إن التصور الكبير اللى حصل إنكم عايشتم الجيش خلال الفترة دى .. كل المجموعة كان أداؤها رائعا .. التجربة قابلة للتكرار كثيرا .. وشوفتم حالة الالتفاف مش للجيش والشعب بس .. حالة الالتفاف على الدولة.. على الأقل كل 6 شهور يبقى فيه فيلم زى كده يفكر الناس ويسعدها انها تطمئن أنها فى دولة وشعب صلب تاريخه كدة .. كان فعلا فيه ناس مستعدة للموت .. يعنى الصعيدى اللى بيقول اوريهم ان انا واقف.

صحيح ده رمز لشجاعة المصرى إنه لا يتخازل ابدا امام التحدى ..اى تحدي..الرسالة جميلة وانا بشكركم باسمى وباسم كل المصريين وان شاء الله يبقى فيه فيلم تانى وتالت احنا محتاجين كثير من هذه الافلام خلال الفترة اللى موجودين فيها مستقلا.

كما كرم الرئيس السيسي عددًا من أبطال حرب أكتوبر، وقال إن الجيش المصري يخوض حاليا حرباً ضد الإرهاب منذ 6 سنوات ، وهي حرب شبيهة بحرب الاستنزاف بعد هزيمة 67.

وشهد الرئيس عبد الفتاح السيسي، الندوة التثقيفية الـ 31 للقوات المسلحة أكتوبر “إرادة وتحدى” بمركز المنارة بالتجمع الخامس، ومعه عدد من رجال الدولة، والإعلاميين، والفنانين، ورجال الدين، وأعضاء مجلس النواب، وقيادات القوات المسلحة، فضلا عن حضور المستشار عدلي منصور، واالمشير محمد حسين طنطاوي، والدكتور أحمد الطيب شيخ الأزهر.

شارك الخبر مع أصدقائك

الخبر السابق «
الخبر التالي »