سيـــاســة

السيسي : اللي عمله الجيش في مصر فوق الخيال

وتابع السيسى: أقصد بيه هتعملوا كل حاجة لجل خاطر مصر الطبيعى يقولى انت راجل شاطر خليك معانا فى الدفاع واى حد تانى من الناس اللى موجودين يتولى الأمر لكن لما هما يبقوا مستعدين ومتصورين إن هما لما يقدموا على قد فهمهم أفضل ما عندهم ويتولى المسؤولية.

شارك الخبر مع أصدقائك

قال الرئيس السيسى فى سياق حديثه عن الجيش المصرى خلال الندوة التثقيفية الـ 21 بمركز المنارة بالتجمع الخامس التى نظمتها القوات المسلحة فى قاعة المنارة بعنوان: “أكتوبر إرادة وتحدى” والتى شهدها الرئيس وحضرها أبطال فيلم الممر. طب انت مطمن ؟: آه .. أوى .. طب حد يقولى ليه ؟ انتوا تصدقوا إن فيه حد يقدر يخدع ربنا ؟ يا ترى ربنا بيساعد المفسد ولا الصالح ؟ .. فهو مطلع على مصر وأهله إن هم بيسعوا فى الصلاح والتنمية والبناء والتعمير وتغيير الواقع لواقع افضل”.

وأضاف السيسي: “قولتلكم من سنين طويلة فاتت إن المكان اللى تجلى فيه الحق سبحانه وتعالى مفيش غير مصر .. ده شرف .. مش علشان أنا هنا .. علشان ربنا هنا .. ماحدش يقدر … ده يقين اللى الجيش عمله فى الـ 10 سنين اللى فاتت دول ده فضل كبير لمصر .. لما اتفقت معاهم وقالولى تترشح .. قولتلهم مستعد أترشح بس انتم هتشتغلوا زى مانا عايز تحت رجلين المصريين”.

وتابع السيسى: أقصد بيه هتعملوا كل حاجة لجل خاطر مصر الطبيعى يقولى انت راجل شاطر خليك معانا فى الدفاع واى حد تانى من الناس اللى موجودين يتولى الأمر لكن لما هما يبقوا مستعدين ومتصورين إن هما لما يقدموا على قد فهمهم أفضل ما عندهم ويتولى المسؤولية.

كان كمان الشرط إن انتم كمان هتقدموا أفضل ما عندكم لمصر اللى اتعمل من الجيش فى مصر فوق الخيال والله العظيم .. اللى عمله الجيش فى مصر لبلده فوق الخيال وهيتكتب فى التاريخ إن الجيش قام بدوره مع الحكومة علشان البلد تطلع لقدام .. باسم الله ماشاء الله يعنى .

وكرم الرئيس السيسى عددًا من أبطال حرب أكتوبر المجيدة، وقال إن الجيش المصرى يخوض حاليا حرباً ضد الإرهاب منذ 6 سنوات ، وهى حرب شبيهة بحرب الاستنزاف بعد هزيمة 67.

وشهد الرئيس عبد الفتاح السيسي، الندوة “، ومعه عدد من رجال الدولة، والإعلاميين، والفنانين، ورجال الدين، وأعضاء مجلس النواب، وقيادات القوات المسلحة، فضلا عن حضور المستشار عدلى منصور، واالمشير محمد حسين طنطاوي، والدكتور أحمد الطيب شيخ الأزهر.

شارك الخبر مع أصدقائك

الخبر السابق «
الخبر التالي »