أسواق عربية

الرئيس: اللي ظروفه صعبة يفضل يشتغل وماينامش علشان يغير حياته

أكد على أهمية الجهود التي تبذلها الدولة في الإصلاح الاقتصادي

شارك الخبر مع أصدقائك

طالب الرئيس عبد الفتاح السيسي، المصرين بالعمل الجاد للوصول إلى حلول لمشكلاتنا، والتغيير إلى حياة أفضل.

وقال الرئيس خلال كلمة له بمؤتمر الشباب السابع الذي يعقد في العاصمة الإدارية الجديدة: الكلام الكتير مش هو اللي هيحل المشاكل.. العمل الكتير والصبر.. اللي ظروفه صعبة يفضل يشتغل لما ماينامش علشان يغير من حياته ومن واقعه.

وعن جهود الدولة في بناء وتشييد المدن الجديدة قال: طيب واللي انت بتعمله في المدن دي ايه؟ لازم الدولة المصرية في خلال السنتين تلاتة الجايين تبقى دولة تانية.

كان الرئيس السيسي، قد أكد على أهمية الجهود التي تبذلها الدولة في الإصلاح الاقتصادي، والاهتمام بجودة الحياة في القرى الفقيرة.

وتوجه الرئيس السيسي بالشكر إلى الدكتور محمد شاكر، وزير الكهرباء قائلا: أنا باشكر الدكتور محمد شاكر، والله العظيم كلمني على كفاءة شبكة التوزيع من 3 سنين، قالي اوعى تكون فاكر إن محطات التوليد لوحدها هتحل مشاكل الكهرباء لان يبقى إن كفاءة الشبكة والمرونة المطلوبة محتاجة مني اني اضاعفها وأعمل محطات تحكم ومحولات.

وأضاف، كنت بتمنى إن المسألة دي تخلص بنهاية 2019 هو بيقولي صعب، بانتهاء المشروع اللي وزارة الكهرباء بتعمله يبقى نقدر نتكلم على إن الكهرباء في مصر كلها وليس القاهرة.. ثم حاجة تانية بنعملها ان احنا بناخد الخطوط اللي كانت فوق البيوت ونبتدي دفنها في الارض علشان نحمي الصحة العامة.

الرئيس السيسي، كان قد افتتح مساء أمس الثلاثاء، المؤتمر الوطنى السابع للشباب، والذى يعقد لأول مرة فى العاصمة الإدارية الجديدة، حيث يعقد على مدار يومين، الثلاثاء والأربعاء، بمشاركة نحو 1500 شاب من مختلف محافظات الجمهورية.

ويشهد المؤتمر اليوم الأربعاء، الاحتفال بتخريج الدفعة الأولى من البرنامج الرئاسى لتأهيل الشباب الأفريقى APLP، والتى تضم مشاركين من 29 دولة أفريقية، والذين زاروا مؤخراً قناة السويس، كما تشهد الفعاليات عقد المؤتمر الأول لمبادرة “حياة كريمة”، ثم جلسة “إسأل الرئيس”، الذى يجيب خلالها الرئيس عن تساؤلات الشباب التى تلقاها من خلال الموقع الإلكتروني وصفحات السوشيال ميديا للمؤتمر.

وتابع: مبقاش قدامنا غير حلول ومبادرات لمعالجة المسألة حتى يستقر اقتصادنا أكتر.. وترشيدنا لإنفاقنا بصفة عامة، ومش بقصد بيه ترشيد الحكومة.. مصروفات مانقدرش نمسها .. لكن بنتكلم كمواطنين على كل حال .. مبادرة حياة كريمة هي محاولة لعلاج مسائل مزمنة في مناطق هي الاكثر فقرا على الاطلاق في بلدنا مصر ونغيرها تماما .. يعني ال 277 قرية دول بنتكلم ان مايبقاش فيه بيت نسيبه او طريق … او كهرباء

شارك الخبر مع أصدقائك

الخبر السابق «
الخبر التالي »