ثقافة وفنون

احمد السعدني يكشف عن أم أولاده لأول مرة «ماتت في لحظة بعد ما كلمتني بساعة»

كشف الفنان أحمد السعدني تفاصيل وفاة زوجته أمس السبت بشكل مفاجئ بعد ساعة واحدة من مكالمة تليفونية بينهما حيث كانت تعاني من مرض ضغط الدم تاركة خلفها طفلين . وسرد السعدني في منشور له على موقع انستغرام بداية علاقته بزوجته…

شارك الخبر مع أصدقائك

كشف الفنان أحمد السعدني تفاصيل وفاة زوجته أمس السبت بشكل مفاجئ بعد ساعة واحدة من مكالمة تليفونية بينهما حيث كانت تعاني من مرض ضغط الدم تاركة خلفها طفلين .

وسرد السعدني في منشور له على موقع انستغرام بداية علاقته بزوجته حيث قال :عمري في حياتي ما اتكلمت عن حياتي الشخصيه لكن حسيت اني لازم اعمل كده دلوقتي فذكر إن الذكري تنفع (المؤمنين)او الكافرين او المستهبلين او تنفع اي حد ححس اني عملت حاجه ححاول مطولش يوم ٩/٩/٢٠٠٣ حب من اول نظره في الشارع ما بين معهد السينما حيث كانت تدرس و معهد فنون مسرحيه حيث كنت الهو و ادرس برضه ميضرش كنت راكب عربيه و كانت ماشيه علي رجلها.

وتابع : كنت حخبطها لكن حصل خير لا محصلش قوي خبطتتي هي في قلبي حب تقطيع شرايين سنه خطوبه سنه كتب كتاب شهر جواز خلفه اول ولد هنا بدأت المشكله اللي بكتب الكلام ده عشانها
انا زي كتير للاسف شباب anti تحمل مسئوليه بص لنسب الطلاق و انت تفهم انا بيجيلي ارتيكريه لما احس اني مسئول و هي برضه حبيبتي زي بنات كتير بتقول طلقني اكتر مبتنطق اسمي.

ولقي منشور السعدني تفاعلا كبيرا على موقعي انستغرام وفيسبوك بوك وتم مشاركته الاف المرات والتعليقات بالعزاء بعد سرد قصة حبه بزوجته.

واكد أنه طلق زوجته أربعة مرات طلاقا شفهيا وافتي له الشيوح بما سماه” قالولنا ده لعب عيال” مضيفا الطلاق ليه شروط زي الجواز تمام اسكت بقي لا تعالي يا عم طبق الشروط ادي اول طلقه
قشطه يا باشا عشت حياتك ؟ اه …ارتحت ؟؟ لا وحشتني وحشني حنيتها و حبها و هبلها متيجي نرجع يا بت يالا يا متخلف هوووووب جبنا تاني ولد نفس الاحساس نفس الارتكريه بس المرادي صموووووود مش حينفع نتطلق تاني لا تصدق نفعت الجانب الاناني في شخصيتي غلبني يا عم كبر مخك و عيش حياتك المشكله اني عمري مارتحت كنت عايز حضنها و حنيتها و هبلها بس كنت بأجل الرجوع يمكن اكبر او اعقل او اقدر اتحمل المسئوليه بجد حددت لنفسي سن معين ارجعلها فيه قال يعني حبقي نضجت بس ملحقتش.

وعن تفاصيل وفاة زوجته قال السعدني : ماتت في لحظه كانت بتكلمني قبلها بساعه و مكنتش عيانه كان عندها ضغط زي اغلب الشعب المصري الحمد لله ماتت و مشيت و قررت تسبني للابد كنت فاكرها حتستناني و متاكد من ده مستحيل تحب حد غيري مجاش في بالي انها ممكن تموت دلوقتي صغيره و اكتر واحده في حياتي شفتها بتحب الحياه و عندها طاقة ايجابيه .

وتابع : ماتت و سابتلي الولدين و الندم انا متاكد انك في الجنه رحتي للي خلقك يوم عرفه و اميره و ست البنات و الستات و نضيفه و كريمه و صنتي ولادي و بيتي بحبك يا امل حياتي اللي اتهد و بوعدك المرادي حشيل المسئوليه للاسف اتعلمت الدرس بس بعد مااتحرمت من حنيتك و حضنك و ولادك كمان اتحرموا من احن ام ربناطقدرني و اربيهم احسن ما كنتي عايزه بحبك و مش بطلب منك غير انك تسامحيني 
ربنا يرحمك و يرحمني و يرحم ولادنا يا حبيبة عمري الوحيدة.

https://www.instagram.com/p/B1ALw7KpYId/?utm_source=ig_web_copy_link

شارك الخبر مع أصدقائك

الخبر السابق «
الخبر التالي »