لايف

أحمد موسى : الشعب مظلوم في المحافظات وصوت المصريين لازم يتسمع (فيديو)

أحمد موسى قال متحدثا عن مشاكل المصريين: "بنقول لسيادة الرئيس إدي المشاكل، صوت المصريين لازم يتسمع كتير وملفات كتيرة لازم تتشاف ومش عيب إننا نقول ده".

شارك الخبر مع أصدقائك

قال الإعلامي أحمد موسي، مساء الثلاثاء عبر برنامجه “على مسؤوليتي”، إن الشعب مظلوم في المحافظات، داعيا لسماع صوت المصريين.

أحمد موسى يحذر من “مشاكل” بملف التضامن الاجتماعي

وأوضح موسى أزمات عديدة، بقوله: “فيه ناس معندهاش 13 جنيه دخل ومش موجودة في تكافل وكرامة”

وأضاف: “ملف التضامن ده لازم يتشافله حل، تكافل وكرامة زيه زي التموين وأكتر من التموين”.

وأكد أنه ملف التضامن “فيه مشاكل”.

وتابع قائلا: “إنتو كده بتحرجو الرئيس، فيه ناس مستحقة خارج برنامج تكافل وكرامة، وفيه ناس داخل البرنامج لا تستحق”.

وأضاف: “سيبوا الرئيس في اللي عنده من ملفات سياسية الملفات الكبيرة، مش كل حاجة الرئيس”

أحمد موسى يكشف عن اتجاه لإجراء حركة محافظين

وكشف عن الاتجاه لإجراء حركة محافظين، قائلا: “داخلين على تعديل حكومي في المحافظين”.

وتابع: “الشعب مظلوم في المحافظات .. انا عايزكم تنزلوا تشوفوا الناس ومشاكلها .. لا طرق بتترصف ولا صرف صحي”.

واستدرك: “رغم أن الدولة عملة طفرة في الصرف الصحي”.

وأوضح أنه تم “ما يعادل 35% زيادة في مشروعات الصرف الصحي مقارنة بكل ما عملته الدولة من قبل”.

وأضاف: “الوقت ده محتاج كلنا نتكلم علشان عندنا الرئيس يسمع”.

وقال أحمد موسى: ” بنقول لسيادة الرئيس ادي المشاكل، صوت المصريين لازم يتسمع كتير”.

وتابع: ” ملفات كتيرة لازم تتشاف ومش عيب اننا نقول ده، ده منتهى الشجاعة والجرأة إننا نقول ده، والدولة بتشوف وبتراجع”.

أحمد موسى يطالب بإجراء انتخابات المحليات

وطالب بإجراء انتخابات المحليات المعطلة منذ عام 2008.

وقال أحمد موسى: “عايزين انتخابات المحليات تتعمل .. هتشيل عبء كبير جدا من على الدولة”.

وأضاف: “البرلمان اليوم وجه انتقادات شديدة اللهجة لملفي التموين والتضامن الاجتماعي”

كما انتقد غياب عدد من النواب عن متابعة شئون دوائرهم.

شارك الخبر مع أصدقائك

الخبر السابق «
الخبر التالي »